Urdu Hadees

Hadees

KHAAS QAYAMAT KE DIN KA ZIKR,,,

Jab soor foonkne se tamaam duniya fanah ho jayegi/  40 baras is sunsaani halat mei'n guzar jayenge, fir haq ta'ala ke hukm se dusri baar soor fooka jayega or fir zameen aasmaan isi tarah qayem ho jayega, or murde qabro'n se zindah ho kar nikal parhenge or maidan-e-Qayamat mei'n ikatthe kar diye jayenge, or aaftaab bahut nazdeek ho jayega jiski garmi se dimag logo'n ke pakne lagenge, or jaise jaise logo'n ke gunah honge utna hi zyada paseena niklega or log uss maidaan mei'n bhooke pyaase kharhe-kharhe pareshan ho jayenge, jo neik log honge unke liye uss zameen ki mitti misl maide ki bana di jayegi usko khakar bhook ka ilaaj karenge or pyaas bujhaane ko hauze kausar par jayenge fir jab maidan-e-qayamat mei'n khare-khare dik ho jayenge uss waqt milkar awwal Hazrat ADAM (a.s) ke paas fir or nabiyo ke paas uss baat ki sifarish karaane ke liye jayenge ki hamara hisaab-o-kitaab or kuch faisla jaldi ho jaaye, sab paighambar kuch-kuch azr karenge or sifarish ka waada na karenge, sabke baad hamare paighambar (s.a.w) ki khidmatt mei'n haazir hokar wahi darkhwaast karenge, aap haq ta'ala ke hukm se qubool farma kar muqaame mehmood mei'n ki ek muqaam ka naam hai, tashreef le jashifa'at farmaayenge, haq ta;ala ka irshaad hoga ki humne sifarish qubool ki, ab hum zameen par apni tajalli farma kar hisaab kitaab kiye dete hai, awwal aasmaan se farishte bahut kasrat se utarna shuru honge or tamaam aadmiyo'n ko har taraf gher lenge, fir haq ta'ala ka arsh utrega, uss par haq ta'ala ki tajaali hogi, 

Hisaab kitaab ka Waqt

Or fir hisaab kitaab shuru ho jayega or aamaal name urhaye jayenge imaan walo ke dahine haath mei'n or beimaano ke baaye'n haath mei'n wo khud bakhud aa jayenge or amaal taulne ki taraju khari ki jayegi, or pul siraat par chalne ka hukm hogga, jiski nekiya taol me'n zyada hongi wo ul siraat se paar hokar bahisht mei'n ja girega, or nekiya gunah barabar honge wo ek muqaam aaraaf jannat dozakh ke bich mei'n reh jayenge, or jiske gunah zyada honge wo dozakh mei'n ja girega, uske baad hmare paighambar (s.a.w) or dusre hazraat ambiya (a.s) or aalim or wali or shaheed or haafiz or neik bande gunah gaar logo ko baksh waane ke liye shifa'at karenge, unki shifa'at qubool hogi or jiske dil mei'n zara zahoor sa bhi imaan hoga wo dozakh se nikaal kar bahisht mei'n dakhil kar diye jayenge, ussi tarah jo log aaraaf mei'n honge wo bhi akhir ko jannat mei'n dakhil kar diye jayenge, or dozakh mei'n khaali wahi reh jayenge jo bilkul kaafir or mushriq hai, or aise logo ko kabhi dozakh se nikalna naseeb na hoga, jab sab jannati or dozakhi apne-apn thikaana ho jayenge, uss waqt Allah ta'ala jannat or dozakh ke bich mei'n maut ko ek mende ki soorat par zahir karke sab jannati or dozakhi ko dikh laaker usko zibah kar denge, or farmayenge ki ab jannati ko maut aayegi na dozakhiyo ko ayegi sabko apne-apne thikaane par hamesha hamesha ke liye rehna hai, uss waqt na jannatiyo ki khushi ki koi hadd hogi or na dozakhiyo'n ke sadme or ranj ki koi inteha hogi,

Share please...

Ibaadat se baaze duniya ke fayde ki hadees urdu hadees

Hadees / Hadith

Islam ki sachi batein

Bayan

Rozi badhna,

tarah tarah ki barqat hona,

taqleef or pareshani door hona,

muraado'n ke poore hone mei'n asaani hona,

lutf ki zindagi hona,

baarish hona,

harr qism ki balah ka tall jana,

ALLAH ka meherbaan madadgaar rehna,

farishto ko huqm hona ki uska dil mazboot rakho,

sachi izzat wa aabru milna,

martabe buland hona,

sabke dilo mei'n uski muhabbat ho jana,

qauran ka uske haqq mei'n shifa hona,

maal ka nuqsaan ho jaye usse acha badla mill jana,

din ba din ne'amat mei'n tarakki hona,

maal barhna,

dil mei'n rahat or tasalli rehna,

aainda nasl mei'n ye nafa pahuchna,

zindagi mei'n gaibi basharte naseeb hona,

marte waqt farishto'n ka khush khabri sunana,

mubarak baad dena,

umr barhna,

iflaas or faaqa mei'n bacha rehna,

thori cheez mei'n zyada barqat hona,

ALLAH ta'ala ka gussa jata rehna...

Share Please...

Gunaaho se baaze duniya ke nuksaano ka bayan

Hadees / Hadith

Islam ki sachi batein

Bayan

Ilm se mehrrom rehna,

rozi kam ho jana,

khuda k yaad se gaafil hona,

aadmiyo se wehshat ho jana, khaaskar neik aadmiyo se,

aksar kaamo mei'n mushkil parh jana,

dil mei'n safai na rehna,

dil mei'n or baazi dafa'a tamam badan mei'n kamzori ho jana,

ta'at se mehroom rehna,

umar ghatt jana,

tauba ki taufeeq na hona,

kuch dino mei'n gunah ki buraai dil se jaati rehna,

ALLAH ta'ala ke nazdeek zaleel ho jana,

dusri makhlooq ko uspar nuksan pahuchana, or uss wajah se uss par lanat karna,

aqal mei'n fittor ho jana,

Rasool (s.a.w) ki taraf se uss par laanat hona,

farishto ki dua se mehroom rehna,

paidawaar mei'n kami hona,

sharm or gairat ka khatm hona,

ALLAH ta'ala ki barhaai uske dil se nikal jana,

ne'amato ka chinn jana,

balaao ka hujoom hona,

uss par shaitan ka muqarrar ho jana,

dil ka preshan rehna,

marte waqt muhh se kalma na nikalna,

khuda ki rehmat se mayoos hona, or uss wajah se be tauba marr jana...

Share Please...

Ba'aze bade bade gunaho'n ka bayan jinn par bahut sakhti aai hai.

Hadees / Hadith

Islam ki sachi batein

Bayan

Khuda se shirk karna,

naahaq khoon karna,

wo aortei'n jinke aulad nahi hoti kisi ke sanwara mei'n baaze aise totke karti hai ki ye bacha marr jaye or hamare aulaad ho ye bhi ussi khoon se dakhil hai,

maa baap satana,

zinnah karna,

yateemo'n ka maal khana, jaise aksar aorte khawind ke tamam maal wa jayedaad par kabza karke chote bacho ka hissa urhati hai larkiyo ko hissa miraaz ka na dena,

kisi aorat ko zara se shubha mei'n zinnah ki tohmat lagana, 

zulm karna,

kisi ko uske baddi se yaad karna,

khuda ne'amat se na ummeed hona,

wada karke poora na karna,

amaanat mei'n khayanat karna,

khuda ka koi farz masl namaz roza hajj zakaat chorh dena,

quran sharif parhker bhula dena,

jhuth bolna,

khususan jhuthi qasmei'n khana, 

khuda ke siwa or kisi ki qasam khana,

ya uss tarah khana ki marte waqt kalma naseeb na ho,

imaan par khatma na ho,

khuda ke siwa kisi or ko sajda karna,

bina uzl namaz kaja'a karna,

ya kisi musalman ko kafir ya be imaan wa khuda ki maar ya khuda ki pathkaar khuda ka dushman wagairah kehna,

kisi ka gila shikwa sunna,

chori karna byaj lena,

anaaj ke girane se khush hona,

mol chipka kar piche zabardasti se kamm dena,

gair mehram ke paas tanhaaimei'n baithna,

jua'n khelna,

baazi aorte or larkiya badd badd ke gitte ya koi or khel khelti hi ye bhi jua hai,

kafiro'n ki rasmei'n pasand karna,

khane ko bura kehna,

naach dekhna,

raag baaj asunna,

qudrat hone par naseehat na karna,

kisi se maskhara pann karke be hurmat or sharmind karna,

kisi pe eib dhundna-

Share please

Biddato or buri rasmo or buri bato ka bayan

Hadees / Hadith

Islam ki sachi Batein

Bayan

Qabro'n par dhoom dhaam se mela lagana,
Chiraga jalana, aorto'n ka waha jana,
chadre daalna,
pokhrta qabrei'n banana,
buzurgo ke raazi karne ko qabro'n ki hadd se zyada tazeem karna,
taaziya ya qabro'n ko choomna chaatna,
khaak malna,
tawaf karna,
sajda karna,
qabro'n ki taraf namaz parhna,
mithaai chawal gulgule wagairah charhana,
taaziya alam wagairah rakhna,
iss par halua maleeda charhana ya issko salam karna,
kisi cheez ko achooti samajhna,
muharram ke mahine mei'n paan na khana,
mehndi missi na lagana,
mard ke paas na rehna,
laal kapra na pehenna,
biwi ke sahenk mardo ko na khane dena,
teeja chaleeswa wagairah ko zaroori samajhna,
bawjood zaroorat ke aorat ke dusre nikah ko mayoob samajhna,
nikah khatna bismillah wagairah mei'n agar chah basa'at na ho magar khaandani rasmei'n karna,
khususan qarz wagairah karke naach rang wagairah karna holi diwali ki ismei'n karna,
salam ki jagah bandagi wagairah karna ya sirf sir pe hath rakh kar jhuk jana,
devar, jheth, fuffi zaat, khala zaat bhai ke samne be mahaba aana ya or kisi na mehram ke samne aana,
gharha dariya ser gaate bajate laana,
raag baaja or gaana sunna,
domniyo wagairah ko nachana or dekhna iss par khush hona iss par khush hokar unko inam dena,
naseeb par faqr karna,
kisi buzurg se mansoob hone ko nijaad ke liye kafi samajhna,
kisi ke naseeb par kusr se tayen karna,
hadd se zyada kisi ki tareef karna,
shadiyo'n mei'n fizool kharchi or khurafat batei'n karna,
hinduo'n ki rasmei'n karna,
dulha ko khilaaf shara'a poshaaq pehnana,
kangna sehra pehnana,
mehndi lagana, aatish baazi karna,
fizool arayesh karna,
ghar ke andar aorto ke darmiya dulhe ko bulana or samne ajana,
taak jhaank kar usko dekhna,
syaani samajhdar saaliyo wagairah ka samne aana isse hassi dil lagi karna,
chauthi khelna,
jiss jagah dulha dulha lete ho uske gird jama hokar batei'n sunna,
jhaank taakna,
agar koi baat maloom ho jaye toh usko aoro'n se kehna,
maanjhe baithna,
or asis sharm karna jisse namaze kazza karna,
ghami mei'n chillake rona,
muhh or seena peetna, bayan karke rona,
istemaali gharhe torh daalna,
jo jo kapre uske badan se lage ho sabka dhulwana,
baras roz tak ya kuch zyada iss achaar na parhna,
koi khushi ki tarqeeb na karna,
maqsoos tareekho'n mei'n fir gham ka taaza karna,
hadd se zyada zeb wa zeenat mei'n masgool hona,
saadi waja'a ko mayoob janna,
makaan mei'n tasveer lagana,
khaas daan, atar daan, sarmadaani salaai wagairah chandi sone ki istemaal karna,
bahut bareeq kapra pahenna ya bajta zevar pahenna, lehnga pahenna,
ya mardo'n ke majma'a mei'n jaana,
taaziya dekhne or mele mei'n jana,
or mardo'n ki gazza ikhtiyaar karna,
badan godana,
khudai raat karna,
ya totka karna mehez zeb wa zeenat ke liye deewar giri ya chatt giri lagana,
safar ko jaate ya laotte waqt gair mehram ke gale lagna ya lagana,
jeene ke liye larke ka kaan naak chedna,
larke ko baala ya bulaaq pehnana,
reshmi qusm ya zafraan ka ranga hua kapra hatheli ghungru ya koi or zewar pehnana,
kamm rone ki liye afiyoom khilana,
kisi bimari mei'n sher ka doodh ya uska gosht khilan,
iss qism ki or bahut si batei'n hai,
bataor namuna ke itni bayan kardi gayi...-

Share Please...

Kufr or shirk ki bato'n ka bayan-

Hadees/Hadith

Islam ki sachi kahaniyan

Bayan

Kufr ko pasand karna, kufr ki bato'n ka acha janna kisi dusre se kufr ki koi baat karna-

kisi wahjah se apne imaan pashemaan hona ki agar musalmaan na hote toh falaani baat hasil ho jati aulaad wagairah kisi ke marr jane par ranj mei'n iss qism ki bate kehna, khuda ko bass isi ko marna tha, duniya bhar mei'n maarne ke liye bass yhi tha , khuda ko aisa na karna chahiye tha, aisa zulm koi nahi karta jaisa tune kiya -

Khuda or Rasool ke kisi huqm ko bura samjhna us mei'n eib lagana, kisi nabi ya farishte ki hakarat karna or unko eib lagana, kissi buzurg ya peer ke sath ye aqeeda rakhna ki ye hamare sab haal ki iskop zroor khabar rehti hai, najoomi pandit ya jiss parr jinn charha ho usse gayeb ki khabrei'n puchna ya faal khulwana fir usko sach janna kisi buzurg ke kalam se faal dekh kar usko yqeeni samajhna,

Kisi ko door se pukarna or ye samajhna ki Usko khabar hogi Kisi ko nafa nuqsan ka mukhtar samajhna kisi se muradei'n mangna rozi aulaad mangna, kisi ke naam ka roza rakhna kisi ko sajda karna, kisi kke naam ka janwar chorhna, ya charhawa charhana, kisi ke naam ki minnat maangna, kisi ke qabr ya makaan ka tawaaf karna khuda ke huqm ke muqbla mei'n kisi dusri baat ya rasm ko makhdam rakhna kisi ke samne jhukna, ya tasweer ki tarah kharha rehna, top par bakra charhana,, kisi ke naam par janwar jabah karna, jinn bhoot paret wagiarah ke chorh dene ke liye unki bhent dena,  bakra wagairah zabah karna, bache ke jeene ke liye, uske naar ka poojna, kisi ki duhaai dena, kisi jagah ka ka'aba ke barabar adab wa tazeem karna, kisi ke naam par bache ke kaan naak chedna, baali or bulaaq pahenna, kisi ke naam ka baazu par paisa baandhna ya gale mei'n naara daalna sehra baandhna chotti rakhna, baddhi pehnaana, faqeer banana, alli bakhsh hussain bakhsh abdul nabi wagairah naam rakhna, kisi janwar par kisi buzurg ka naam lagakar uska adab karna, alam ke karobaar ko sitaaro'n ki taseer samajhna, achi buri tareef or din ka puchna, shagun lena, kisi mahine ya tareekh ko manhoos samajhna, kisi buzurg ka naam bataor wazeefa ke japna yu'n kehna ki khuda or Rasool agar chahega toh falana kaam ho jayega, kisi ke naam ki ya sir ki qasam khana, jaandaar ki barhi tasveer rakhna, khususan kisi buzurg ki tasveer barqat ke liye rakhna or uski tazeem karna-

Share Please

Islam ki sachi kahani part 4/4

Janabe Rasool (s.a.w) ki aadat shareef ki thi ki fajr ki namaz parhkar apne yaar wa ashaab ki taraf mutawajjah hokar farmaya karte the ki tumme se raat ko kisi ne koi khwab toh nahi dekha agar koi dekhta toh arz kar diya karte the-

Aadat ke muafiq ek baar sabse pucha ki kisi ne koi khwab dekha hai sabne arz kiya koi nahi dekha, aapne farmaya ki maine aaj raat ek khwab dekha hai ki 2 shaks mere paas aaye or mera hath pakarh kar mujhko ek zameen muqaddas ki taraf le chale, dekhta kya hu ki ek shaks baitha hua hai or dusra khara hai or uske hath mei'n lohe ka zuboor hai, uss baithe hue ke kalle ko usse cheer raha hai yaha tak ki guddi tak ja pahunchta hai fir dusre kalle ke sath bhi yahi maamla kar raha hai or fir wo kalla uska durust ho jata hai, fir uske sath aisa hi karta hai, maine pucha ye kya baat hai,

Dono shaks bole aage chalo, hum aage chale yaha tak ki ek aise shaks par guzar hua jo leta hua hai or uske sir par ek shaks hath mei'n barha bhari pathar liye khara hai usse uska sir nihayet zor se forhta hai, jab wo pathar uske sir par de marta haui pathar lurak kar door ja girta hai, jab wo usko uthane ke liye jata hai toh, abtak laut kar uske pas nahi aa pata ki uska sir fir acha khasa jaisa tha waisa hi ho jata, or fir usko ussi tarah forhta- maine pucha yeh kya hai?


Wo dono bole aage chalo hum sab aage chale, yaha tak ki hum ek gaar par pahunchejo misl tanauwar ke tha, niche se fraq tha or upar se tang, us mei'n aag jal rahi thi or us mei'n bahut se bina kapro ke mard or aurat bhare hue hai, jis waqt wo aag upar ko uthtiuske sath wo sab uth jate yaha tak ki qareeb nikalne ke ho jate hai or fir jis waqt baith ti hai wo bhi niche chale jate hai,maine pucha ye kya hai  ?

Wo bole aage chalo hum aage chale yaha tak ki ek khoob ki naher par pahunche uske beech mei'n ek shaks khara hai or naher ke kinare par ek shaks khara hai, or uske saame bahut se pathar pare hai, weh naher ke andar wala shaks naher ke kinaare ki taraf aata hai jiss waqt nikalna chahta hai, kinaare wala uss shaks ke muhh par ek pathar usse zor se maarta hai fir apni pehli jagah ja pahunchta hai, fir jab wo kabhi nikalna chahta hai, ussi tarah pathar maarkar usko hatha deta maine pucha ye kya hai?

Wo dono bole aage chalo- hum aage chale, yaha tak ki ek hare bhare baagh mei'n pahuche, uss mei'n ek barha darakht hai or uske niche ek burha aadmior bahut se bache baithe hai or darakht  ke qareeb ek or shaks baitha hua hai, uske samne aag jal rahi hai wo usko dhaaoonk raha hai,fir wo donio mujhko charha kar darakht ke upar le gaye or ek darkht ke beech mei'n nihaayet umda ghar bann raha tha, uss mei'n le gaye, maine aisa ghar kabhi nahi dekha tha,

Us mei'n mard aorte jawan burhe or bache bahut se the fir usse baher laakar or upar le gaye waha ek ghar pehle se bhi umda tha, uss mei'n le gaye uss mei'n burhe or jawan the, maine un dono shakso se
kaha ki tumne mujhko tamam raat firaya ab batao ki yeh sab kya israar the.?

Unhone kaha ki wo shaks jo tumne dekha tha ki uske kalle cheere jaate hai wo shaks jhutha hai ki jhuthi bate kaha karta tha, or weh bate tamam jahaan mei'n mashoor ho jati, uske sath qayamat tak yuhi karte rahenge-

Or jisksa sir forhte hue dekha woh shks hai ki ALLAH ta'ala ne usko ilme quraan diya raat ko usse gaafil hokar so raha or din ko uss par aml na kiya qayamat tak uske sath yhi maamla rahega-

Or jinko tumne aag ke gaar mei'n dekha woh zina karne wale log hai, or jisko khoon ki naher mei'n dekha woh sood khane wala hai-

Or darakht ke niche jo burhe shaks the wo Hazrat ibraheem (a.s) haior unke ird gird jo bache dekhe wo log ki nabalig aulaad hai, or jo aag dhaoonk raha tha, woh malik daroga dozakh ka hai, or pehla ghar jiss mei'n aap dakhil hue woh aam musalmaano ka hai, or dusra ghar shaheedo ka hai-

Or mai jibraeel or yeh mikaeel hai, fir bole sir upar uthaao maine sir uthaya toh mere upar ek safed badal nazar aaya bole ki ye tumhara ghar hai, maine kaha mujhko chorho mai apne ghar mei'n daakhil hu, bole abhi tumhari umr baaqi hai poori nahi hui agar poori ho chukti toh abhi chale jate-


Fayda janna chahiye ki khwaab ambiya ka wahi hota hai, ye tamam waqaye sache hai iss hadees se kayi cheezo'n ka haal maloom hua

1. jhuth ki kaisi sakht saza hai,
2. aalim be aml ka,
3. zina ka,
4. Sood ka,

khuda sab musalmano ko unn kamo se mehfooz rakhe- (Ameen)

Share Please...